Республикысе школлаште тений сентябрь гыч «Мемнан кундемын историйже» урокым вӱдаш тӱналыт
Республикысе школлаште тений сентябрь гыч «Мемнан кундемын историйже» урокым вӱдаш тӱналыт. Российын историйже дене школ предмет 5-ше-7-ше класс- влаклан сентябрь гыч «Мемнан кундемын историйже» модуль дене пойдаралтеш. Тидын нерген туныктыш министр Лариса Ревуцкая увертарен. Визымше классыште «Россий- мемнан тӱшка пӧртна» модульым да акрет жап гыч 17-ше курым мучаш марте «Мемнан кундемын историйжым» туныктат. 6-шо классыште «Российын историйыштыже мемнан кундемын историйже ( 18-ше курым гыч 20-шо курым тӱналтыш марте)» модуль лиеш. 7-ше классыште «Российын историйыштыже мемнан кундемын историйже 1914-ше ий гыч тачысе кече марте» модульым тунемыт. Регионысо тунемме книгам ямдылымаште историй шанче кандидат, МарНИИЯЛИ-н вӱдышӧ шанче пашаеҥже Сергей Свечников ден падагогике шанче кандидат, 21-ше школышто историй ден Марий Элысе калык- влакын тӱвыраштым туныктышо Оксана Васенина тыршеныт. Тиддеч посна учебникын электрон формыжым да туныктышылан методике пособийым ямдылыме.
Тунемме книга ден туныктымо- методике комплект- влакым Россий Просвещений министерствыш экспертизыш колтымо. Тудым сайын эртымеке да федерал перечньышке пуртымеке учебник ден методике комплекс- влакым туныктымо пашаште кучылташ лиеш,- каласен Лариса Ревуцкая. У урокым пуртымаш калыкле да этнический поянлыкым, юмынйӱла шижмашым аклаш. Российын кугыжаныш символжо- влакым пагалаш туныктышаш.
Тунемме книга ден туныктымо- методике комплект- влакым Россий Просвещений министерствыш экспертизыш колтымо. Тудым сайын эртымеке да федерал перечньышке пуртымеке учебник ден методике комплекс- влакым туныктымо пашаште кучылташ лиеш,- каласен Лариса Ревуцкая. У урокым пуртымаш калыкле да этнический поянлыкым, юмынйӱла шижмашым аклаш. Российын кугыжаныш символжо- влакым пагалаш туныктышаш.
