Марий Элыште 528 тӱжем сайлыме бюллетеньым кок йылме дене савыктат
Марий Элыште 528 тӱжем сайлыме бюллетеньым кок йылме дене савыктат. Тиде пашам Йошкар-Оласе типографий шукташ тӱҥалын. Марий Элысе сайлыме комиссийын секретарьже Ольга Крюкован мутшо почеш 528 тӱжем бюллетень гыч 304 тӱжемат шӱдыжӧ руш да олык марий йылме дене, 39 тӱжемат 500-жӧ руш да курык марий йылме дене савыкталтеш. Станок деке икмыняр еҥым гына пуртымо. Бюллетеньын формыжо стандарт дене келшен толеш. Тудын шке ыштыме деч икмыняр кӱкшыт аралтышыже уло. Тыгак «Гознакыште» ямдылыме лӱмын ыштыме аралтыш марке кучылталтеш. Ямде бюллетеньым упаковатлат да палым шындат, а 22-шо февральыште посна грузым верысе сайлыме комиссийыш кондаш пуат.
Фото: Марий Элысе сайлыме комиссий.
Фото: Марий Элысе сайлыме комиссий.
