Таче- Россий печать кече

Таче- Россий печать кече
            Таче- Россий печать кече. Республикым вуйлатыше Юрий Зайцев тӱшка увер йӧныштӧ, полиграфий предприятийлаште тыршыше, журналистикын ветеранже- влакым профессионал пайремышт дене саламла. Те калыкым увер дене палдарыме шотышто кӱлешан задачым шуктеда, пале событий- влак нерген каласкаледа, тӱвыра да шинчымашым шарыме пашашке кугу надырым пыштеда. Профессионализм, чаткалык, чынлык, социал ответственность- тиде журналистикын тӱҥ йодмашыже- влак, те тудым пашаштыда шуктен шогеда. Нине качестве кызыт, лӱмын эртарыме сар операцийлан кугу тӱткыш ойыралтме жапыште, поснак кӱлешан улыт. Те илышым чын ончыктеда, тӱҥ поянлык йыр калыкым чумыреда. Тиде- икоян улмаш, Шочмо элым йӧртымаш, элнан историйжым  да калыкнан подвигшым пагалымаш йыр.
              Кодшо ийын калыкле проект- влакым, республикым социал-экономик велым вияҥдыме индивидуал программым шыҥдарымаш мучашлалтын. Тений у калыкле проект- влак шыҥдаралташ тӱналыт. Тендан пашаланда кӧра газет лаштыклаште, официальный сайтлаште, радио ден телевидений эфирыште кундемыштына лийын шогышо вашталтыш- влак нерген увер эре лектын шога. Усталык пашаланда да ойырен налме сомылланда ӱшанле улмылан тау,- ойлалтеш республикым вуйлатышын саламлымашыштыже. 
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски