Йошкар-Оласе да Медведево районысо школ директор- влакын воспитаний шотышто советникыштлан йыргешке ӱстел эртен
Семёновкысо школ-интернатыште йоча инициативе рӱдерыште Йошкар-Оласе да Медведево районысо школ директор- влакын воспитаний шотышто советникыштлан йыргешке ӱстел эртен. Докладым «Навигаторы детства» проектын муниципал координаторжо Неля Чемекова ыштен. Тудо командын ик ийысе пашажлан иктешлымашым ыштен да тенийлан тӱҥ событий- влакым палемден. Вашлиймашыште неле илыш йыжыҥыш логалше тунемше- влаклан полшен шогымо пӱсӧ йодыш- влакым тарватыме. Спикер палемден: советникын тӱҥ пашаже- школьник- влакым федерал да регионысо проект ден акцийлашке ушнаш кумылаҥдымаш. Оксана Пибаева профессионал мастарлыкын «Лига вожатых» Российысе конкурсышто лиймыже нерген, Юлия Христолюбова «Марий Элын советникше- 2024» Республикысе икымше конкурсышто участвоватлымыже нерген ойленыт. Нина Долгополова ден Светлана Курбатова Пермь олаште советник- влаклан эртарыме квалификацийым нӧлтымӧ программе нерген каласкаленыт. Мероприятий мучашыште советник- влак «Орлята России» программе почеш муниципал мероприятий- влакым эртараш темлымаш- влакым пуртеныт.
Фото: «Навигаторы детства. Марий Эл».
Фото: «Навигаторы детства. Марий Эл».
