Тений гыч Марий Эл 12 у калыкле проектыште участвоватла
Тений гыч Марий Эл 12 у калыкле проектыште участвоватла. Российын президентше Владимир Путин видеоконференций йӧн дене Правительствын еҥже- влак дене совещанийым эртарен. Тӱҥ йодышыжо- у калыкле проект- влакым тӱналмаш лийын. Тений гыч Марий Эл 12 у калыкле проектыште участвоватла. Нине проектлам шыҥдараш 2025-ше 2027-ше ийлаште 36 миллиардат 400 миллион теҥге федерал оксам ойыраш палемдыме. Тазалыкаралтыш, туныктыш, тӱвыра, илыме вер да коммунал озанлык, транспорт, инженер инфраструктурым ыштыме да капитально олмыктымо пашам умбакыже шуйымо лиеш, кундемлам да опорный илемлам, аза шочмашым шукемдыме, социал полыш- влакым комплексно вияҥдыме проект- влак шыҥдаралтыт. 2024-ше ийыште калыкле проект- влакым шыҥдарыме икымше йыжыҥже мучашлалтын. Вич ий жапыште Республикыште 100 утла социал кӱлешан объектым чоҥымо да пужен ыштыме. Тушечын 12-шо йоча сад, 7 школ, 24 тазалыкаралтыш объект, 12 тӱвыра объект, лужо спорт дене кылдалтше объект, вӱдым ситарыме да йоктарен колтымо 24 объект, транспорт инфраструктурын 9 объектше улыт. 2019-ше гыч 2024-ше ий марте республикыште калыкле проект- влакым шыҥдараш 70 миллиард теҥгем ойырымо. Тушечын 40 миллиардше- федерал бюджет гыч.
Фото: Юрий Зайцевын телеграм-каналже.
Фото: Юрий Зайцевын телеграм-каналже.
