Юрий Зайцев «Федерал собственностьышто улшо погым Марий Элын Кугыжаныш погышкыжо налме нерген» распоряжениеш кидпалыжым пыштен

Юрий Зайцев «Федерал собственностьышто улшо погым Марий Элын Кугыжаныш погышкыжо налме нерген» распоряжениеш кидпалыжым пыштен
             Юрий Зайцев «Федерал собственностьышто улшо погым Марий Элын Кугыжаныш погышкыжо налме нерген» распоряжениеш кидпалыжым пыштен. Россий Президентын кӱштымыжӧ почеш Росимущество федерал погым яра да эрелан Марий Элын Погышкыжо пуа. Ноябрьыште Марий Элым вуйлатыше Юрий Зайцев Президент Владимир Путин деке ондак Россий Федерацийын казнашкыже парыш семын налме икмыняр зданийым республикын погышкыжо пуаш йодмашым ончен лекташ йодын ыле. Владимир Путин Юрий Зайцевын обращенийжым согласоватлен. Республикын погышкыжо тыгай пого куснен: Йошкар-Оласе Ленин проспект, 24-ше Д пӧртыштӧ илыдыме помещений. Тушто 2023-шо ийыште «Ачамландым аралыше- влак» фондын филиалжым почмо ыле. Весыже- художесвенный галерей деке ушен чоҥымо административно-озанлык зданий. Тушто коштшо скульптура композиций  верланен. Ноябрьыште тушто «Ачамландын Геройжо- влак» тоштер-патриот рӱдерым почмо. Кумшо объектше Царьград проспектысе 37-ше пӧрт адрес дене «Юмын Иерусалимыш пурымыжо» коштшо скульптура композициян зданий да шагатан башня. Тушто «Марий Эл Телерадио» компаний верланен. Нине зданий ден сооружений- влак архитектура да художественный стилын икгайлыкшым арален кодаш пеш кӱлешан улыт, нуно турист- влакын йодмашышт дене пайдаланат, тушто  социал кӱлешан тӧнеж- влак верланеныт. Тау президент Владимир Путинлан мыйын обращенийым согласоватлымыжлан. Ынде нине объект частный еҥ- влаклан пуалтеш да назначенийыштым вашталтат манын лӱдыкшӧ уке,- палемден Юрий зайцев.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски