Таче шке пашашт дене ойыртемалтше журналист- влаклан сулен налме наградым кучыктымо

Таче шке пашашт дене ойыртемалтше журналист- влаклан сулен налме наградым кучыктымо
              Таче Правительстве пӧртыштӧ шке пашашт дене ойыртемалтше журналист- влаклан сулен налме наградым кучыктымо. Тений Марий Элым вуйлатышын «Шӧртньӧ перо» премийжым «Марий Эл Телерадио» компанийын директоржо Ирина Фоминыхлан пуымо. Куанен палемдена, тымарте корреспондент, ынде мемнан Марий радиом вуйлатыше Константин Мягчилов журналистике аланыште «Марий Элын социал экономик вияҥмашыжым эн сайын ончыктымылан» Республике кӱкшытан конкурсышто «Республикын тӱвыра илышыжым эн сайын ончыктымылан» номинацийыште сеҥымылан диплом дене палемдалтын.
           А кечывал деч вара журналист ушемын эртарыме конкурсышто сеҥыше да ведомствылан наградыштым налше- влак Печать пӧртыш погыненыт. Наградым налше- влак коклаште мемнан коллегына- влакат улыт. Журналист ушемын эртарыме конкурсышто Татьяна Хлобыстова ден Наталия Зилотова, Диляра Никитина ден Константин Мягчилов тӱрлӧ номинацийыште, тӱрлӧ степенян диплом дене палемдалтыныт. Пырля пашам ыштыме йолташна- влакым сеҥымашышт дене уло кумылын саламлена.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски