Самырык тукымын спартакиадыштыже Марий Элын командыже той медальым сеҥен налын
Российысе самырык тукымын спартакиадыштыже Марий Элын командыже той медальым сеҥен налын. Ставрополь крайысе Ессентуки олаште армий ийготыш шудымо рвезе- влак коклаште Спартакиаде эртен. Марий Элын рвезыже- влак кумшо верыш лектыныт. Кугу таҥасымашке Волжский районын командыже миен. Тушко Сотнур, Кугу Порат, Памар школ гыч рвезе- влак пуреныт. Чылаже элысе кундемла гыч 23 команде миен. Ик арня жапыште нуно военно-строевой ямдылалтмаш, автоматым рончен-погымаш, электрон оружий гыч лӱйкалымаш, гранатым кышкымаш да моло таҥасымашлаштат моштымашыштым ончыктеныт.
Икымше верым Хант-Манси автоном округ-Югран командыже сеҥен налын. Кокымышышто Москва гыч рвезе- влак лийыныт, кумшо верыште мемнан- влак улыт. Тиддеч посна Волжскысо рвезе- влак личный первенствыштат призовой вер- влакым налыныт. Сотнур школ гыч Дмитриев ден Петров икмыняр дисциплиныште икымше верыш лектыныт. Вес Петровшо тыгак кумшо верым налын.
Икымше верым Хант-Манси автоном округ-Югран командыже сеҥен налын. Кокымышышто Москва гыч рвезе- влак лийыныт, кумшо верыште мемнан- влак улыт. Тиддеч посна Волжскысо рвезе- влак личный первенствыштат призовой вер- влакым налыныт. Сотнур школ гыч Дмитриев ден Петров икмыняр дисциплиныште икымше верыш лектыныт. Вес Петровшо тыгак кумшо верым налын.
