Марий Элыште «Профессионалитет» проект кышкарыште кок у тунемме да пашам ыштыме кластер ышталтеш

Марий Элыште «Профессионалитет» проект кышкарыште кок у тунемме да пашам ыштыме кластер ышталтеш
              Марий Элыште «Профессионалитет» проект кышкарыште кок у тунемме да пашам ыштыме кластер ышталтеш. Тений республикыште экономикын чоҥымо да транспорт отрасльжылан кластер- влакым ыштат. Тиде отрасльыште специалист- влак ситыдыме йодышым виктараш тиде кӱлешан ошкыл, -каласен Республикым вуйлатыше Юрий Зайцевлан туныктыш министр Лариса Ревуцкая. Кажне кластержым ышташ 100 миллион теҥге федерал бюджет гыч ойырлатеш, республике кажныжлан 15 миллион гыч ешара, эше 47 миллион теҥгем пашам пуышо- влак колтат. Грант оксам кызытсе оборудованийым, тунемме техник средствым, программе обеспеченийым налаш ойыралтын. Кластер- влак Йошкар-Оласе строитель техникум ден автодорожный техникум негызеш ышталтыт.
              Юрий Зайцев палемден: Российын президентше Владимир Путин кӱлешан специалист- влакым ямдылымаште «Профессионалитет» проектын кугу рольжым палемден. Туныктымо да производство кластер- влакын пашашт ик сетьыш чоҥышо да транспорт отрасльым, тыгак Йошкар-Ола, Волжск, Оршанке, Килемар, Параньга, Звенигово гыч кыдалаш профессионал образованийын 8 тӧнежшым уша. Тушто 20 профессий да специальность дене архитекторым, чоҥымо мастерым, корным чоҥышым, водительым да шуко моло специальность дене ямдылыше тунемме программе влак шыҥдаралтыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски