Марий Элыште производство кушмашым палемдыме
Марий Элыште производство кушмашым палемдыме. Тенийсе икымше ныл тылзыште промышленный продукцийым 68 миллиардат 900 миллион теҥгашым колтымо. Кодшо ийысе дене таҥастарымаште промышленный производствын индексше кум тичмашат ик луаш процентыш шуын. Тидын нерген Республикым вуйлатышылан промышленность, экономически вияҥмаш да торговля министр Станислав Крылов увертарен. Каласыме жапыште республикыште нефте продуктым лукмаш 5 пачаш кушкын, автотранспорт средствым, прицеп ден полуприцепым 29 процентлан, коваште да коваште изделийым 23 наре процентлан, машин ден оборудованийым 16 утла процентлан, полиграф продукцийым 16 наре процентлан шукырак лукмо. Ныл тылзыште агропромышленный комплекс продукцийым 15 миллиард утла теҥгелан луктын але кодшо ийысе тыгаяк жап деч 100 тичмашат 4 луаш процентым. Вучымо почеш тений тичмаш налмаште промышленный производствын индексше 2,7 луаш процентлан кушшаш,- каласен Станислав Крылов. Юрий Зайцев палемден: республикыште экономик ситуаций куандарышын вияҥеш. Тыгай темпым арален кодаш бизнесын представительже- влак республикыште пуымо полышым тичмаш кучылт кертшаш улыт. Тиддеч посна кучем орган- влак моло кундем дене кылым ышташ полшышаш улыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
