Марий Элыште промышленностьлан да ял озанлыклан полыш пуалтеш

Марий Элыште промышленностьлан да ял озанлыклан полыш пуалтеш
          Марий Элыште промышленностьлан да ял озанлыклан полыш пуалтеш. Тений гыч промышленный да ял озанлык предприятий- влак регионым социал-экономик велым вияҥдыме у программе кышкарыште субсидийым да льготан займым налын кертыт. Промышленность, экономически вияҥмаш да торговля министр Владимир Халюзин Марий Элым вуйлатыше Юрий Зайцевлан промышленнынй да ял озанлык предприятий- влаклан у полыш нерген ойлен. Ик тӱҥ корнылан промышленностьым вияҥдыме фонд ден республикым инвестиций велым вияҥдыме фонд-  влакым окса дене пойдарымаш шотлалтыт. Программе кышкарыште 85 деч шагал огыл инвестиций программым шыҥдараш льгото дене окса пуалтеш. 2030-шо ий марте промышленностьым вияҥдыме фондым пойдарыме кугыт ик миллиардат 890 миллион теҥге лиеш Тиде окса 500 наре у пашаверым почаш да 50 утла инвестиций проектлан полшаш йӧным пуа. Посна тӱткыш агропромышленный комплексым вияҥдымылан ойыралтеш.
             Ял озанлык предприятий- влак ял озанлык продукцийым лукташ кумылаҥдаш субсидийым налын кертыт. Тымарте АПК-ште 18 кугу инвестиций проектым палемдыме. 2020-шо гыч 2024-ше ий марте республикыште шыҥдарыме индивидуал вияҥме программе шке пайдалыкшым пеҥгыдемден ончыктен. Тиде жапыште 50 утла инвестиций проектым поддержатлыме, 8 миллиардат 600 миллион теҥге инвестицийым кондымо да тӱжемат 300 у пашаверым ыштыме. У программе лектышан пашам умбакыже шуя.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски