Республикыште гуманитар полышым погышо чолга еҥ- влаклан наградым кучыктеныт
Республикыште гуманитар полышым погышо чолга еҥ- влаклан наградым кучыктеныт. Правительстве вуйлатышын аламштышыже Степан Воронцов Марий Элым вуйлатышын тауштымашыжым СВО-н участникше- влаклан полышым пуышо активист- влак Дмитрий Микрюков ден Максим Карташовлан кучыктен. Дмитрий Микрюков гуманитар полышым погымаште СВО-н икымше кечылаже гычак тырша. Максим Карташов груз ден посылкылам намиен кодымо логистике дене пашам ышта. Степан Воронцов палемден: СВО тӱҥалме годсек республикысе калык поро кумылым да ура чоным ончыктен. Тӱшка пашашке шке надыржым пыштыше кажне еҥлан ме таум каласена. Передовойыш мыняр груз кайымым шотыш налын, кугу пашам шуктымо. Землякна- СВО-н участникше- влаклан ме полышым умбакыжат пуаш тӱҥалына,- каласен Правительстве вуйлатышын алмаштышыже- Степан Воронцов.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
