Йошкар-Олаште лийшаш Тӱнясе калык- влакын модмашыштын программыжым савыктыме

Йошкар-Олаште лийшаш Тӱнясе калык- влакын модмашыштын программыжым савыктыме
               Йошкар-Олаште лийшаш Тӱнясе калык- влакын модмашыштын программыжым савыктыме. Боевой искусствын йӱлаш пурышо видше дене тӱнясе калыкын модмашышт Йошкар-Олаште 24-ше гыч 28-ше июль марте эртат. Россий да йот элла гыч участник- влак спортын 15 видше дене таҥасат. Тиде- айкидо, чыла стилян каратэ, корэш, муайтай, самбо, мас-рестлинг, лапта да молат. Мероприятийын программыжым республикысе спорт-туризм министерстве ямдылен. Чыла гаяк таҥасымашыже «Марий Эл» ий полатыште эрта, икмынярыже «Дружба» стадионышто да Медведево посёлкысо «Витязь» ФОК-ышто. Ушештарена: модмашын символжым- ош кимоном чийыше шордым да тудлан Патыр лӱмым республикысе калык ойырен налын. Программыште, мутлан, 24-ше июльышто «Марий Эл» ий полатыште 12 шагатлан муайтай, 16-лан кендо, 18 шагатлан айкидо дене кучедалмаш- влак лийыт. А 25-ше июльышто туштак 8 шагатлан шахбокс, 9-лан айкидо ден корэш, «Дружба» стадионышто - лапта, полатыштак 10-лан чыла стилян каратэ дене ӱчашымаш- влак тӱҥалыт. А 12 гыч 13 шагат марте модмашым торжественно почмаш лиеш. 14 шагатлан моло вид дене таҥасымаш- влак умбакыже шуйнат.
        Фото: Спорт-туризм министерстве.

Прошлые выпуски