Школлаште вер ситыдымлан кӧра Йошкар-Оласе 19-ше номеран школ деке ешарен чоҥаш темлат
Школлаште вер ситыдымлан кӧра Йошкар-Оласе 19-ше номеран школ деке ешарен чоҥаш темлат. Ола мэрийыште «Фестивальный» микрорайонышто илыше- влак дене вашлиймаш эртен. Амалжылан икымше класслашке йочам налме шотышто проблеман йодыш- влак, йоча сад ден школлам чоҥымо паша- влак лийыныт. Мутланымаште Ола мэрын сомылжым шуктышо Антон Трудинов, туныктыш министр Лариса Ревуцкая, кӧргӧ политике да верысе самоуправлений министр Антон Мирбадалев, олан прокуроржо Сергей Гусаченко лийыныт.
Лариса Ревуцкая увертарен: 9-ше А микрорайонышто тӱжемат 100 верлан у школым чоҥымо нерген Россий просвещений министерстве дене кутырен келыштарыме да «Самырык- влак ден йоча-шамыч» у калыкле проектыш пуртымо. У школ 2026-шо ий икымше сентыбрьыште пашам ышташ тӱҥалшаш. Кызыт вер ситыдыме йодыш шотышто тидым каласен: 19-ше да моло школыш логалдыме первоклассник- влаклан моло школыш кошташ автобусым ойырымо лиеш. Тиддеч посна 19-школ деке ешарен чоҥымо йодышым правительстве кӱкшытыш лукмо лиеш.
Антон Трудинов у школлам чоҥаш олаште вер- влакым ойырымо нерген ойлен. 9-ше Б микрорайонышто 110 веран школлан да 320 веран йоча садым чоҥаш вер уло, «Мышино треугорьникыште» йоча садлан, 6-шо микрораойнышто тӱжем веран школлан, «Фестивальныйыште» кок йоча садлан вер уло. Участник- влак эше ик гана вашлияш да шуктымо паша лектыш нерген ойлаш кутырен келшеныт.
Фото: Йошкар-Ола мэрий.
Лариса Ревуцкая увертарен: 9-ше А микрорайонышто тӱжемат 100 верлан у школым чоҥымо нерген Россий просвещений министерстве дене кутырен келыштарыме да «Самырык- влак ден йоча-шамыч» у калыкле проектыш пуртымо. У школ 2026-шо ий икымше сентыбрьыште пашам ышташ тӱҥалшаш. Кызыт вер ситыдыме йодыш шотышто тидым каласен: 19-ше да моло школыш логалдыме первоклассник- влаклан моло школыш кошташ автобусым ойырымо лиеш. Тиддеч посна 19-школ деке ешарен чоҥымо йодышым правительстве кӱкшытыш лукмо лиеш.
Антон Трудинов у школлам чоҥаш олаште вер- влакым ойырымо нерген ойлен. 9-ше Б микрорайонышто 110 веран школлан да 320 веран йоча садым чоҥаш вер уло, «Мышино треугорьникыште» йоча садлан, 6-шо микрораойнышто тӱжем веран школлан, «Фестивальныйыште» кок йоча садлан вер уло. Участник- влак эше ик гана вашлияш да шуктымо паша лектыш нерген ойлаш кутырен келшеныт.
Фото: Йошкар-Ола мэрий.
