Марий Эл ветеран-афганец- влакым шарналта

Марий Эл ветеран-афганец- влакым шарналта
             Марий Эл ветеран-афганец- влакым шарналта. Таче 15-ше февральыште совет войскам Афганистан гыч лукмылан 35 ий темеш. Республикысе эл кӧргӧ паша министерствыште тиде кечылан полеклалтше торжественный мероприятий эртен. Личный состав дене пашам ыштыме шотышто виктемын пашаеҥже- влак да ветеран-шамыч ончычсо МВД министр Виктор Смоленцевын шӱгарже воктеке пеледыш аршашым пыштеныт. Виктор Васильевич Афганистаныште служитлымыже годым кок гана Йошкар Шӱдыр орден дене палемдалтын. Полиций пашаеҥ да МВД-н профессионал ямдылалтмаш рӱдерын колыштшыжо- влак Йошкар-Оласе рӱдӧ паркыште верласе сарлаште вуйым пыштыше- влаклан Мемориал деке пеледыш аршашым пыштеныт. Коллегийын залыштыже эртыше торжественный мероприятийыш МВД-н подразделенийже- влакым вуйлатыше, ветеран-шамыч да ямдылалтме рӱдерын колыштшыжо- влакым ӱжмӧ ыле. Погынышо- влак вуйым пыштыше герой- влакым ик тат шып шоген шарналтеныт. Тиддеч вара боевой действийлан участникыштым торжественно наградитлыме. Торжественный мероприятий- влак республикысе районлаштат эртеныт.
         Фото: Марий Эл МВД-н пресс-службыжо.

Прошлые выпуски