Тений Марий Элыште санитар авиацийын полышыжлан 27 миллион теҥге оксам кучылташ палемдыме

Тений Марий Элыште санитар авиацийын полышыжлан 27 миллион теҥге оксам кучылташ палемдыме
          Тений Марий Элыште санитар авиацийын полышыжлан 27 миллион теҥге оксам кучылташ палемдыме. Кугыжаныш закупко сайтыште вашке медицина полышым пуашлан авиаций полышым кучылташ тендерым вераҥдыме. Тиде кӱлеш годым черлым Марий Эл гыч вес кундемыш наҥгаяш але тышке кондаш санитар авиацийым кучылтмо нерген ойлалтеш. Заказчикше- «Катастрофа медицинын верысе рӱдерже». Контрактын тӱналтыш акше- 27 миллионат 412 тӱжем теҥге. Ик шагат чоҥештымын кокла акше 230 тӱжем теҥге лиеш. Ушештарена: 2021-ше ийыште черлым кусараш авиаций пашам шукташ «Баргузин» авиакомпанийын «Ансат» вертолётшым кучылтмо. Тудым вашке полышым пуашлан медицина оборудований дене пойдарыме.
             Фото www.barguzinair.com

Прошлые выпуски