Республикыштына тений ӧрдыж гыч кондымо ырлыган чер кумшо гана рашемын

Республикыштына тений ӧрдыж гыч кондымо ырлыган чер кумшо гана рашемын
                Республикыштына тений ӧрдыж гыч кондымо ырлыган (корь) чер кумшо гана рашемын. Тудым лабораторий пеҥгыдемден ончыктен. Ик ияш рвезе йоча черланен. Тудо Москосо стационарыште эмлалтын. Тушечын корь дене черланыше дене кылым кучышо семын пӧртылын. Пӧртылмекыже чер пале рашемаш тӱҥалмеке вигак эмлыме верыш пыштыме. Роспотребнадзор виктемын ончыктымыжо почеш жаплан медицина чарымашлан кӧра, рвезылан корь ваштареш привикым ыштен шуктен огытыл. Ушештарена: иммунизаций йоча- влалкан ик ияш улмыжо годым да 6 ияш лиймекыже ышталтеш. Тидын шотышто противоэпидемий да профилактике мероприятий- влакым эртарыме, йоча дене кылым кучышо- влакым эскерымашке налме. Республикыштына тиде ӧрдыж гыч кондымо кумшо случай. Нуно икте весышт дене кылдалтын огытыл. Январьыште школыш коштшо рвезе ден ик ийыш шудымо ӱдыр черланеныт ыле. Кӱлеш мерым ыштымылан кӧра, чер шарлен огыл. Ырлыган- вирусан чер, пӱсын тӱҥалеш да нелын эрта. Юж да кид кучылтмаш дене еҥ деке кусна. Вирусшо черле еҥын кокырымыжо, тӱрвычмыжӧ, мутланымыже годым шарла да южышто кужу жап аралалтеш. Эн сай полышлан вакцинаций шотлалтеш.
                 Фото: photogenica, автор foremniakowski

Прошлые выпуски