Советский районышто «Геройлан шокшо» акций умбакыже шуйна

Советский районышто «Геройлан шокшо» акций умбакыже шуйна
             Советский районышто «Геройлан шокшо» акций умбакыже шуйна. Россий кӱкшытан поро кумыл акций Советский районышто икымше февраль гыч тӱҥалын. Тудо Ачамландым аралышын кечыжлан пӧлеклалтеш да СВО-н участникше- влакым поддержатлаш виктаралтын. Акцийыш Вечын ял илемын чолга еҥже- влакат ушненыт. Нуно военнослужащий- влаклан шке кид дене пидме шокшо пӧлекым ямдыленыт да полыш шомакан серыш- влакым возеныт. Мутлан, Колянур ялысе уста кидан- влак 40 мужыр шокшо носким пидыныт, Ӧрша ден Вечын селалаште шокшым да волгыдым пуышо окоплык сортам ыштат. Акцийыш кажне кумылан еҥ ушнен кертеш. Пӧлек семын шокшо носким, шарфым, перчаткым, моло вургемым, кужун аралаш лийше шере пӧлекым, СВО-што кӱлешан моло ӱзгарым кондаш лиеш. Акций утыр вийым пога, чыла илемысе калык тушко ушна. «Геройлан шокшо» акций февраль мучаш марте шуйна. Полышын ужашыже гуманитар груз дене пырля колталтеш, ужашыжым Элым аралышын кечыже вашеш военный госпитальлашке пуалтеш.
          Фото: Партийын верысе пӧлкажын архивше.

Прошлые выпуски