Марий Элыште «Талукын туныктышыжо» да «Талукын воспитательже» конкурслан регионысо йыжыҥышт тӱналын
Марий Элыште «Талукын туныктышыжо» да «Талукын воспитательже» конкурслан регионысо йыжыҥышт тӱналын. 25-ше гыч 27-ше апрель марте Туныктышын да наставникын идалыкышт кышкарыште «Талукын туныктышыжо, «Талукын воспитательже», «Марий йылмым эн сайын туныктышо» да «Шӱмем йоча- влаклан пуэм» республикысе конкурсын очный йыжыҥже- влак эртат. Педагог- влак регионысо йыжыҥыш лекташлан школысо, муниципал йыжыҥлам эртеныт. Эн устаже шке профессионал мастарлыкшым регионысо йыжыҥыште ончыкта. Конкурсышто 59 туныктышо таҥаса: воспитатель, тӱҥалтыш класслам туныктышо, математикым, технологийым, биологийым, химийым, географийым, историй ден обществознанийым, марий йылмым туныктышо- влак педагог-психолог, ешартыш шинчымашым пуышо туныктышо- влак. Регионысо йыжыҥ сеҥыше- влакым торжественно саламлымаш церемоний дене 11-ше майыште Шкетан театрыште мучашлалтеш.
Фото: Архив.
Фото: Архив.
