Марий Элыште «Туризм да унам вашлийме индустрий» калыкле проектым шыҥдарымым каҥашеныт
Марий Элыште «Туризм да унам вашлийме индустрий» калыкле проектым шыҥдарымым каҥашеныт. Правительстве вуйлатышын икымше алмаштышыже Дмитрий Троицкий унагудо услугым пуышо организаций- влакын пашаштым шуктымо йодыш дене совещанийым эртарен. Тӱҥ йодышыжо кодшо ийын да тений калыкле проектым шыҥдарыме дене кылдалтше йодыш лийын. Тений «Туризм да унам вашлийме индустрий» калыкле проектым шыҥдараш 111 миллион утла теҥгем ойырымо. Тушечын 78 миллион утла теҥгеже унам вераҥдыме модулян йӧным ышташ инвестиций проектлан ойыралтын да 33 миллион наре теҥгеже- ик гана пуымо субсидий. Дмитрий Троицкийын палемдымыже почеш Правительстве унам вашлийме сферым вияҥдаш полшен шога. Кодшо ий гыч тиде отрасльлан оксам шукырак ойыраш тӱналме. Турист- влак идалык еда шукырак толыт. 2023-шо ийыште республикыш ик миллион утла еҥ толын каен, а тений 9 тылзыште 800 тӱжем утла еҥ. Тушечын 155 тӱжем утла еҥже унагудыш илаш пурен. Калыкле проект кышкарыште Российын экономически вияҥмаш министерствыже туризмлан 2025-ше 2027-ше ийлаште субсидийым ойыраш 6-шо декабрь марте конкурсым эртара. Субсидий регион- влак коклаште шеледалтеш. Марий Элат йодмашым ямдыла.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
