Марий Элыште у тӱҥ федерал инспекторым шогалтыме

Марий Элыште у тӱҥ федерал инспекторым шогалтыме
          Марий Элыште у тӱҥ федерал инспекторым шогалтыме. Тиде- февраль марте Марий Эл республикын прокуроржылан ыштыше Сергей Беляков. Сергей Беляков дене Россий Президентын Юл кундем федерал округышто полномочный представительже Игорь Комаров палымым ыштен. Тудо палемден: тӱҥ федерал инспектор оборонно-промышленный комплексын предприятийже- влаклан, СВО зона гыч пӧртылшӧ боец- влаклан полышым пуаш, калыкле проект- влакым кузе шыҥдарымым да Владимир Путинын шындыме моло задаче- влакым шуктымым тергаш тӱҥалеш. Игорь Комаров тидымат ешарен: тӱҥ задаче- влак коклаште тыгак паша рынкысе ситуацийым эскерымаш, калыкым тургыжландарыше йодыш- влакым виктарымаш, мутлан, тунемше- влаклан шокшо кочкышым ситарымашым, шуко пачеран пӧртлам капитально олмыктымашым, тулык йоча- влаклан илыме верым пуымым контрольышто кучымаш шотлалтыт. Республикым вуйлатыше Юрий Зайцев тӱҥ федерал инспектор дене ончыкыжым кылым кучымо нерген каласкален. Правительстве пӧртыштӧ Полномочный представитель, Марий Элым вуйлатыше да тӱҥ федерал инспекторын кум шӧрынан вашлиймашышт эртен. Нуно лектышым, регионым вияҥдыме планым, тӱҥ задаче- влакым виктарен колтымашым радамлын каҥашеныт. 
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски