Марий Эл Кугыжаныш Погынын 37-ше сессийже лийын
2022-шо ийыште Марий Элын шке парышыже 118 процент наре лийын. Тыге кодшо ийын налог да налогдымо парышын кушмыжо дене республике округысо 14 субъект коклаште нылымше верым налын. Кугыжаныш Погынын 37-ше сессий кышкарыште Юрий Зайцев ял озанлыкыште, промышленный производствышто, илыме верым чоҥымо да моло сферыштат сай вашталтышым палдемден. Калыкын илышыже саеммымат палемден, кодшо ийысе деч кокла пашадарат 13 процентлан кугемын. Тудо Российын президентше Владимир Путинлан, Россий Правительстве Председатель Михаил Мишустинлан, Федераций Советым вуйлатыше Валентина Матвиенколан республикылан полышым пуымыштлан тауштен. Марий Эл 11 калыкле проектыште пашам ышта. Тудын кышкарыште регионысо 46 проект шыҥдаралтеш. Проектлан тӱшка акышт кодшо ийын 12 миллиард утла теҥгеш шуын. Кугыжанышым вуйлатышын шындыме задачым республике сайын шуктен толеш, - каласен Юрий Зайцев.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
