Российысе регионласе корнын качество рейтингыштыже Марий Эл 83-шо верым айла

Российысе регионласе корнын качество рейтингыштыже Марий Эл 83-шо верым айла
           Российысе регионласе корнын качество рейтингыштыже Марий Эл 83-шо верым айла. Российысе  автомобиль корнын пелыже утларакше норматив йодмашлан келшен толеш. 41 регионышто сай корнын чотшо шукырак, 44 субъектыште- шагалрак. Эн шуко сай корно Москваште- 97 процент утла, Эн пытартыш верыште- Архангельск область- 13 процент утла. Рейтингым РИА Новости савыктен. 85 регион гыч Марий Эл 83-шо верым айла. «Марий Элысе корно- влак» портал тиде ситуацийым тыге умылтара. «Качестван лӱдыкшыдымӧ корно» калыкле проект тӱҥалме марте Марий Элыште эн начар корно улмаш, нормативлан ик тичмашат 19 шӱдаш процентше гына келшен толын але 2017-ше ийлан кум тӱжемат 47 меҥге гыч 36 меҥгыже гына.
           Туге гынат 2023-шо ий тӱҥалтышлан ик кумшо ужашым але 897 меҥге кужытым норматив марте шуктымо. 2007-ше 2018-ше ийлаште талук еда кокла шот дене 20 меҥге корным олмыктеныт. Калыкле проект кышкарыште регионысо кӱкшытан корно олмыкталтеш. Проект тӱҥалме деч ончыч республике ончылно 35 процент корным нормативыш шукташ задачым шындыме ыле. тудо жаплан тиде ойырымо окса дене келшен толын. Тидын годымак моло регион ончылно 2024-ше ий марте 50 процент корным нормативыш шукташ палемдыме. Республике ий гыч ийыш задачым шуктен гына огыл, планым эртарен темен. 2019-ше ийыште 16 меҥгылан, вес ийын 27 меҥгылан, 2021-ше ийыште 86 меҥгылан, 2022-шо ийыште 72 меҥгылан шукырак ыштыме. Тений 102 меҥгылан утларак олмыкташ палемдыме. Корно пашам план деч шукырак ыштымлан кӧра оксам ешарен ойырат. Тидыже норматив процентым 35 процент гыч 42 процент марте шукташ йӧным пуэн. Планыште 50 процентыш шукташ шонымаш уло, але тӱжемат 523 меҥге корным норматив марте шукташ.
         Фото: «Марий Элысе корно- влак».

Прошлые выпуски