Полномочный представительын алмаштышыже Игорь Буренков «Ачамландым аралыше- влак» Кугыжаныш фондын филиалышкыже миен

Полномочный представительын алмаштышыже Игорь Буренков «Ачамландым аралыше- влак» Кугыжаныш фондын филиалышкыже миен
              Юл кундем федерал округышто Россий президентын полномочный представительжын алмаштышыже Игорь Буренков лӱмын эртарыме сар операцийын участникше- влакым поддрежатлыме «Ачамландым аралыше- влак» Кугыжаныш фондын Марий Элысе филиалышкыже миен. Шукерте огыл гына, боевой действийлан ветераныштын кечынже филиал Йошкар-Олан рӱдыштыжӧ верланыше тӱҥ помещенийыш куснен. Тудо транспорт инфраструктура воктенак верлана. Начар тазалыкан влаклан парковко, инвалид коляскылан пандус ышталтын. Кызыт филиалыште Артём Фёдоровым шарныме лӱмеш «Позывнойжо «Сӱретче» посна выставка пашам ышта. Игорь Буренков СВО Геройын пелашыже Екатерина дене мутланен да кӱлеш лиеш гын, аралышын пелашыже полышым полпредстве дечат йодын кертеш манын палемден.
               Визитын лектышыже почеш Игорь Буренков «Ачамландым аралыше- влак» Кугыжаныш фондын регионысо филиалжын пайдале пашажым палемден. Филиалым вуйлатыше Ренат Магсумов организацийым умбакыжат вияҥдыме лиеш манын. Лишыл жапыште фондын кокымшо пачашыжым олмыкташ тӱҥалына. Тушто республикысе чыла ветеран организаций- влак верланат. Боевой действий- влакын- Кугу ачамланде сарын, Афганистан, Йӱдвел Кавказ, Лӱмын эртарыме сар опеацийын тоштерыштым ышташ шонена,- каласен Ренат Магсумов.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски