Тӱвыра министр ялласе клублам олмыктымо пашам аклен
Тӱвыра, печать да калык кокласе паша шотышто министр Константин Иванов Оршанке районысо Нужавлак ялысе тӱвыра пӧртын зданийжым капитально олмыктымо паша дене палыме лийын. Пӧрт «Тӱвыра» калыкле проектлан кӧра тӧрлалтеш. Тиде пашалан 12 миллион утла теҥгем ойырымо. Вуйлатышылан увертареныт: подрядчик чыла пӧлем кӧргым олмыктен, окнам, электрооборудованийым да ырыктыме системым вашталтен, пӧртым тӱжвачын плитка дене комыжлен. Тыгак леведышым, котельный ден портӧнчылым капитально олмыкташ шонат. Пашам икымше августлан мучашлышаш улыт. Константин Иванов пашан качествыжым да шуктымо жапым сайлан шотлен. Калыкле проект почеш пытартыш ныл ийыште ялласе 12 тӱвыра тӧнежым олмыктымо. Тора яллаште илыше- влаклан 13 автоклубым налме.
Куженер районысо Йывансолаштат тӱвыра пӧртым пужен ыштыме паша умбакыже шуйна. Тӱвыра министр тушто шуктымо пашамат терген. Тушто кызыт пырдыжым металлокассете дене комыжлат, пӧлем- влакым кӧргӧ могыр гыч тӧрлат, сценым да тӱҥ пӧртӧнчылым шотыш кондат. Константин Иванов чоҥышо- влаклан да район администрацийлан пашам чаткан шуктымыштлан таум каласен.
Фото: Тӱвыра министерстве.
Куженер районысо Йывансолаштат тӱвыра пӧртым пужен ыштыме паша умбакыже шуйна. Тӱвыра министр тушто шуктымо пашамат терген. Тушто кызыт пырдыжым металлокассете дене комыжлат, пӧлем- влакым кӧргӧ могыр гыч тӧрлат, сценым да тӱҥ пӧртӧнчылым шотыш кондат. Константин Иванов чоҥышо- влаклан да район администрацийлан пашам чаткан шуктымыштлан таум каласен.
Фото: Тӱвыра министерстве.
