Сенатор Сергей Мартынов Йошкар-Оласе 32-шо номеран школын почаш ямде улмыжым терген

Сенатор Сергей Мартынов Йошкар-Оласе 32-шо номеран школын почаш ямде улмыжым терген
             Сенатор Сергей Мартынов Йошкар-Оласе 32-шо номеран школын почаш ямде улмыжым терген. «Восточный» микрорайонышто илыше- влаклан шинчымаш кече кок пачаш пайремыш савырна. Тушто икымше сентябрьыште шке омсажым у тунемме тӧнеж - тӱжемат 100 верлан 32-шо номеран школ почылтеш. Кызытсе жаплан келшыше йӧнан школым «Туныктыш» калыкле проект кышкарыште чоҥымо. Зданий ямде манаш лиеш. Подряд организацийын чоҥышыжо- влак пытартыш кырча-марча пашам шуктат: моторлыкым пуртат, воктелсе кумдыкым тӱзландарат. Мебельым кондымо да тудым вераҥдыме сомыл кая. Тидын нерген сенатор Сергей Мартынов ден Кугыжаныш Погынын депутатше  Владимир Кожановлан школын директоржо Наталья Пушкина каласкален. Школын кажне пачашыже посна тематике дене сӧрастарыме: кокымшо пачаш сымыктышлан пӧлеклалтын, кумшо- краеведенийлан, нылымше- шанчылан. Тунемме кабинет- влак компьютер да планшет, документ-камере, аккустике системе дене пойдарыме улыт. Пашалан туныкташ раезе- влаклан станок, сырье, ӱзгар дене мастерскойым, ӱдыр- влаклан кулинарий да ургымо зоно- влакым ямдылыме. Тушто плита, холодильник, ургымо машина- влак улыт. Марий Эл деч сенатор палемден: 32-шо номеран школ тунемше- влаклан чыла велымат йӧнан лийже манын чаткан ямдылалтын.
          Фото: Сергей Смирнов.

Прошлые выпуски