Йошкар-Олаште икымше «И краткая» кинофестиваль эрта
30-шо август гыч икымше сентябрь марте Йошкар-Олаште икымше «И краткая» кинофестиваль эрта. Тудын программышкыже кӱчык метражан 25 фильмым пуртымо. Мероприятийым тӱвыра инициаьтивын Президент фодшо, Марий Эл Правительствын да тӱвыра министерствын полшымышт дене эртарат. Фестивальын жюришкыже совет да россий кинорежиссёр, Россий сымыктышын сулло деятельже Андрей Эшпай, режиссёр, сценарист да продюсер Алексей Федорченко, Марий Эл Правительстве вуйлатышын алмаштышыже, тӱвыра министр Константин Иванов, российын сулло артисткыже Евдокия Германова, актрисе Ирина Темичева, актёр Роман Попов пуреныт. Программыште россий режиссёр- влакын лу модман, 7 документал, 8 анимаций фильмышт улыт. Нуным оксам тӱлыде ондак регистрироватлалтын ончаш лиеш. Фильм нерген авторышт ойлат. Ончымо деч вара каҥашымаш лиеш. Икымше кинофестивальым почмаш 30-шо агустышто Эрик Сапаев лӱмеш опера да балет театрыште лиеш. Кино- влакым «Октябрь» кинотеатрыште 31-ше августышто ончыктат. Кинофестивальым мучашлымаш икымше сентябрьыште Эрик Сапаев лӱмеш театрыштак эрта.
Фото: festagent.com
Фото: festagent.com
