Марий телевиденийын шочмыжлан 64 ий теме
Мемнан Марий телевиденийын шочмыжлан 15-ше августышто 64 ий теме. Тидын лӱмеш таче «Марий Эл» кугыжаныш телерадиокомпанийын коллективше да ветеранна- влак пайрем погынымашке чумыргышт. Пашаште сеҥымаш, ончыкылык нерген мутланыме, ойыртемалтше пашаеҥ- влаклан сулен налем наградым кучыктымо. Мыланна, радио пашаеҥ- влалкан, поснак куанле коллегынан сеҥымашыже. Марий радиолан 90 ий темме лӱмеш радиоэфирын инженерже Николай Рябчиковлан «Российын почётан радистше» чап лӱмым пуымо. Тиде палым таче коллектив ончылно торжественно кучыктымо. Марий рвезе- Николай тунем пытарыме деч вара мемнан коллективыш 13 ий ончыч ушнен. Радиоштат, телевиденийыштат ответственно, чаткан, ӱшанлын, лийжак манын пашам шуктымыжо дене ойыртемалтеш. Ме коллегынам кугу сеҥымаш дене уло кумылын саламлена.
