Олык Ипай лӱмеш кугыжаныш премийлан йодмашым налыт

Олык Ипай лӱмеш кугыжаныш премийлан йодмашым налыт
           Марий Элыште илыше самырык- влак 2023-шо- 2024-ше ийлаште ыштыме пашаштлан Олык Ипай лӱмеш кугыжаныш премийым налын кертыт. Конкурсышто таҥасаш шонышо- влак документым 13-шо сентябрь марте Марий Элын самырык- влакын политикышт шотышто комитетыш пуышаш улыт. Премий тыгай номинацийлаште пуалтеш: сылнымут, сымыктыш да архитектурышто ойыртемалтмылан; шанче, техник пашаште да производствышто кугу кӱкшытыш шумылан; мер да социал кӱлешан пашам ойыртемалтшын шуктымылан. Таҥасышын ийготшо 18 ий деч изирак да 35 ий деч кугурак лийшаш огыл. Кажне номинацийыште вич сеҥышылан 40 тӱжем теҥге дене окса премий пуалтеш. Иктешлымашым тений декабрьыште ыштат Лекше йодышым  23-50-04 номеран телефон дене рашемдаш лиеш.

Прошлые выпуски