Республикысе инвалид- влак ушемын еҥышт Шӱкшан патыр заставыш миеныт
Республикысе инвалид- влак ушемын еҥышт Шӱкшан патыр заставыш миеныт. Нуно «Шочмо кундем мучко туризм» проект кышкарыште У Торъял районысо Элымбай ялыште верланыше патыр заставыште лийыныт. Акрет руш сарзе костюмым чийыше оза- влак уна-шамычым кинде-шинчал дене вашлийыныт. Мийыше- влакым крепость мучко, сар-куралым аралыме арсенал башне дене коштыктеныт. Поснак кумылым рӱдӧ, капка ӱмбалсе башне, часамла савыреныт. Тудыжо былинысе герой Илья Муромецлан пӧлеклалтын. Заставе кӧргыштӧ экскурсант- влакым «Йӱштӧ Воевода» вашлийын. Вара кажне кумыланже ожнысо руш модмашке ушнен кертын: товарым кудалтымаште, кандырам шупшмаште, керде дене кредалмаште, имне дене кудалмаште да моло модмаштат. Поро йӱла семын мероприятий патыр пӧртыштӧ храмын настоятельже Сергий Бажанов дене сийым тамлымаш дене мучашлалтын. Лач тудо патыр заставе проектын авторжо да ыштышыже.
Фото: Российысе инвалид- влак ушемын Марий пӧлкаже.
Фото: Российысе инвалид- влак ушемын Марий пӧлкаже.
