Марий туныктышо-влак Улан-Удэшке каеныт
Бурятийысе Улан-Удэ олаште «Шочмо йылмым да литературым эн сайын туныктышо-2025» всероссийский конкурсын финалже эрта. Шке професионал мастарлыкшым Российын 87 регионжо гыч 120 туныктышо ден воспитатель терга. Нунын коклаште – Морко район Унчо школышто тӱҥалтыш класслам туныктышо Ирина Оразаева ден Шернур посёлкысо «Колокольчик» йочасадын воспитательже Надежда Милютина.
Профессионал мастарлык конкурсын финалыштыже жюрин еҥже семын филологий науко кандидат, Марий отуныктыш институтын марий филологий да культурологий кафедржым вуйлатыше Елизавета Игнатьева пашам ышта.
