Марий Турек посёлкышто сентябрьлан йоча садын леведыш ден пӧлемже- влакым олмыктен шуктышаш улыт

            Марий Турек посёлкышто сентябрьлан йоча садын леведыш ден пӧлемже- влакым олмыктен шуктышаш улыт. «Шонанпыл» йоча сад Марий Элым вуйлатышын пашажым шуктышын леведышым олмыкташ оксам ойырымо 24 тунемме тӧнеж гыч иктыже. Тыгай полышым 11 муниципалитет налын. Марий Турек районысо йоча садлан кок миллионат 400 тӱжем теҥгем пуымо. Юрий Зайцев районыш мийымыже кышкарыште леведышым да пӧлем- влакым олымктымо пашам терген. Йоча садым вуйлатыше Гульфия Сафаргалееван умылтарымыже почеш,  кызыт садыште 80 процент пашам ыштен шуктымо. Леведыш деч посна 18 окнам вашталтыме, кызыт пӧлемлаште паша кая. Сомылым август мучашлан пытараш шонена, - каласен заведующий. Пашам жапыштыже мучашлыман, а полышым умбакыжат пуаш тӱҥалына,- каласен Юрий Зайцев.
             Фото: Марий Элым вуйлатышын организаций да аналитик виктемже.

Прошлые выпуски