Юрий Зайцев паша дене Параньга районысо«Победа» ял озанлык производственный кооперативын куатшым аклен
Марий Элым вуйлатышын сомылжым шуктышо Юрий Зайцев паша дене Параньга районыш мийымыже годым Эльпанур ялыште «Победа» ял озанлык производственный кооперативын куатшым аклен. Кодшо ийын озанлык вольык вӱтам чоҥымо шотышто инвестиций проектым шыҥдарен. Тыге 194 вуйлан ушкал вӱтам лӱштымӧ блок дене чоҥымо, 150 вуйлан презе вӱтам ыштыме. Кызыт эше 280 вуйлан ик пӧлем да лӱштымӧ зал нӧлталтеш. Тиддеч посна предприятий идалык еда машина да трактор паркым уэмда. Кодшо ийын технике ден оборудованийым 30 миллион теҥгелан налме, тений лу миллион теҥгелан кум тракторым кондымо.
Озанлыкым вуйлатыше Александр Павловын мутшо почеш тыгак пырчан, технический культурым да шукияш шудым куштат. Озанлыкын вич тӱжемат 332 гектар мландыже уло. Тушечын кок тӱжемат 860 гектар гыч куштымыжым поген налман. Кызытеш пырчын кокла лектышыже 29 центнерыш шуэш. Ончыкыжым кумдыкым ешараш шонат. Тидымат палемдыме: тургым жапыште кечаш пашадар 6 тӱжем теҥгеш шуэш. Марий Элым вуйлатышын пашажым шуктышо коллективын пашам йӧратымыжым, вуйлатышын грамотный пашажым палемден да сеҥымаш ден вияҥмашым тыланен.
Фото: Марий Элым вуйлатышын организаций да аналитик виктемже.
Озанлыкым вуйлатыше Александр Павловын мутшо почеш тыгак пырчан, технический культурым да шукияш шудым куштат. Озанлыкын вич тӱжемат 332 гектар мландыже уло. Тушечын кок тӱжемат 860 гектар гыч куштымыжым поген налман. Кызытеш пырчын кокла лектышыже 29 центнерыш шуэш. Ончыкыжым кумдыкым ешараш шонат. Тидымат палемдыме: тургым жапыште кечаш пашадар 6 тӱжем теҥгеш шуэш. Марий Элым вуйлатышын пашажым шуктышо коллективын пашам йӧратымыжым, вуйлатышын грамотный пашажым палемден да сеҥымаш ден вияҥмашым тыланен.
Фото: Марий Элым вуйлатышын организаций да аналитик виктемже.
