Республикысе Кугыжаныш ветеринар служба шапашлыме кургын качествыжым тергаш тӱҥалын

             Республикысе Кугыжаныш ветеринар служба шапашлыме кургын качествыжым тергаш тӱҥалын. Молан манаш гын, сай лектышан вольыкым ончен-кушташ чапле кургым ямдылымаш ик эн кӱлешанлан шотлалтеш. Ветеринар службын тергыме тургымжо тӱҥалын. Специалист- влак пробым налыт да Респубветлабораторийыш» шымлаш колтат. Тушто вӱдыжгыжым, кукшо, органик веществажым, энергийжым, протеинжым, кояжым, клетчаткыжым да молымат тергат да лӱдыкшыдымо але лӱдыкшӧ улмыжым пеҥгыдемдат. Латикымше августлан шотлымаште республикыште 38 тӱжемат 800 утла тонн шудым, 175 тӱжемат 800 утла тонн сенажым, 145 тӱжемат 700 утла тонн силосым аралаш пыштыме. Кугыжаныш ветеринарий тӧнежлаште шудын 20 пробыжым тергыме.
            Фото: Ветеринар служба.

Прошлые выпуски