Грипп ваштареш 144 тӱжем дозо вакциным кондымо
Эпидемий тургым тӱҥалме деч ончыч привике дене 60 процент калыкым авалташ палемдыме. Грипп ваштареш 144 тӱжем дозо вакциным кондымо,- увертара Роспотребнадзор виктем. Кугыеҥ- влаклан 90 тӱжем утла дозо «Совигрипп» вакциным, «Ультрикс Квадри» вакциным 33 тӱжемат 500 утла дозым йоча- влаклан да 20 тӱжемат 400 утла дозым кугыеҥ- влаклан кондымо. Тыге лишыл жапыште 60 процент калыклан, нунын радамыште риск группыш пурышо 75 процент еҥлан привикым ыштышаш улыт.
