Инициативан бюджетированийым кок пачаш кугемдыме
Юрий Зайцевын кӱштымыжӧ почеш республикыште инициативан бюджетированийым кок пачаш кугемдыме. Марий Элым вуйлатышын пашажым шуктышо палемден: верласе инициативын проектше- влак калыкын, ялыште илыше- влакын проблеман йодышыштым рашемдаш да нуным виктарен колташ ышталтыныт. Шушаш ийлан инициативе почеш оксам ойырымаш кок пачаш кугемеш. Октябрь мучаш марте республикыштына 44 проектым шыҥдараш палемдыме. Тидын нерген республикым вуйлатышын пашажым шуктышылан промышленность, экономически вияҥмаш да торговля министрын алмаштышыже Михаил Полубарьев увертарен.
Кызыт верысе инициативылан полшымо шотышто 22 проектлан оксам ойырымо да илышыш ышҥдарыме. Республикын бюджетше гыч проектлан полшаш 9 миллион утла теҥге субсидийым пуымо. Тений февраль гыч 2023-шо ийлан проектлам конкурс почеш ойырен налмаш кая. Кызыт 13 йодмашым пуымо. Медведево район гыч 5 илем, Советский гыч 4 илем, Волжск ола округ гыч- кокыт, Шернур район гыч кок илемын йодмашыже пурен. Проект- влакын тичмаш акше 9 миллионат 500 тӱжем теҥге, возымо йодмаш почеш субсидийым 6 миллионат 600 тӱжемым йодыт. Республикын бюджетыштыже вес ийлан верысе инициативе проект- влаклан 50 миллион теҥгем палемдыме. Юрий Зайцев ешарен: районлашке паша дене коштмо годым калык йуко йодышым пуэда. Нуным верысе инициативылан полшымо программыш пурташ гын, вашкерак да пайдалынрак решатлаш лиеш. Сандене умылтарыме пашамат эртарыман.
Фото: Марий Элым вуйлатышын организаций да аналитик виктемже.
Кызыт верысе инициативылан полшымо шотышто 22 проектлан оксам ойырымо да илышыш ышҥдарыме. Республикын бюджетше гыч проектлан полшаш 9 миллион утла теҥге субсидийым пуымо. Тений февраль гыч 2023-шо ийлан проектлам конкурс почеш ойырен налмаш кая. Кызыт 13 йодмашым пуымо. Медведево район гыч 5 илем, Советский гыч 4 илем, Волжск ола округ гыч- кокыт, Шернур район гыч кок илемын йодмашыже пурен. Проект- влакын тичмаш акше 9 миллионат 500 тӱжем теҥге, возымо йодмаш почеш субсидийым 6 миллионат 600 тӱжемым йодыт. Республикын бюджетыштыже вес ийлан верысе инициативе проект- влаклан 50 миллион теҥгем палемдыме. Юрий Зайцев ешарен: районлашке паша дене коштмо годым калык йуко йодышым пуэда. Нуным верысе инициативылан полшымо программыш пурташ гын, вашкерак да пайдалынрак решатлаш лиеш. Сандене умылтарыме пашамат эртарыман.
Фото: Марий Элым вуйлатышын организаций да аналитик виктемже.
