Изи ялыште фронтовик да тылыште тыршыше- влакын лӱмыштым курымеш шарнаш коденыт

            Республикысе ик изи ялыште фронтовик да тылыште тыршыше- влакын лӱмыштым курымеш шарнаш коденыт. Куженер районысо Пекесола изи марий ялыште иктаж лу-15 пӧртыштӧ гына илат. Тушто Кугу Ачамланде сарыште вуйым пыштыше воин да тылыште тыршыше- влаклан обелискым ыштеныт. Тиде ял гыч 40 утла еҥ шочмо элым аралаш каен, мӧҥгеш кажне кокымшо еҥже гына пӧртылын. Тыге тӱҥ организатор Людмила Золотарёван тыршымыжлан да верысе калыкын надыржылан, элна мучко шарлен пытыше замляк- влакын полшымыштлан кӧра, ялыште чапле обелискым ыштен шогалтеныт. Обелискым почмашке ятыр еҥ погынен.
      Фото: Дмитрий Шахтарин.

Прошлые выпуски