Телымсе ялысе Россий кӱкшытан спорт модмашын республикысе йыжыҥже эртен
Телым ялысе Россий кӱкшытан 11-ше спорт модмашын республикысе йыжыҥже «Корта тунемме да тренироватлалтме базыште эртен. Тушто муниципал образованийлан сборный командышт таҥасеныт. Программыште ече дене таҥасымаш, полиатлон, ушкал лӱштышӧ- влакын троеборьешт, механизатор- влак троеборьешт, спорт еш- влакын таҥасымашышт, шахмат да шашке дене таҥасымаш- влак лийыныт. Ял озанлык министерстве тракторым виктарыме дене да дояр-влаклан лӱштымӧ аппаратым рончен-погымо шотышто таҥасымашым ямдылен. Механизатор- влакын троеборьештышт сеҥышыш Медведево район лектын, кокымшым Советский район налын, У Торъял район кумшо лийын. Личный первенствыште пӧръеҥ- влак коклаште Медведево район гыч Матвей Смирнов сеҥен, ӱдырамаш- влак коклаште Советский кундем гыч- Алёна Таныгина. Ушкал лӱштышӧ- влак коклаште икымше верыште Советский, кокымшышто- Медведево, кумшышто- У Торъял район улыт. Личный первенствыште пӧръеҥ кокла гыч Советский кундемын спортсменже Виктор Ельмекеев, ӱдырамаш коклаште У Торъял гыч Татьяна Курбатова ойыртемалтыныт. Чыла участникат сай лектышым ончыктен. Команде- влак коклаште Медведево район сеҥышыш лектын. Таҥасымашын лектышыже почеш сборный команде чумыралтеш. Тудо республикын чапшым финал таҥасымаште аралаш тӱналеш. Тудыжо 16-шо гыч 20-шо март марте Вологда областьысе Череповец олаште лиеш.
Фото: Ял озанлык министерстве.
Фото: Ял озанлык министерстве.
