Оласе калыкым пӧрт леведышла гыч лум мунчалтен волен кертме нерген шижтарат
Оласе калыкым пӧрт леведышла гыч лум мунчалтен волен кертме нерген шижтарат. Южын температурыжо вашталт шогымылан кӧра рӱдӧ олаште лӱдыкшӧ ситуаций лектын: леведышлаште шуко лум ден ий погынен. Нуно вучыдымын мунчалтен волен кертыт. Тыгак зданий воктеч эртен кайыме годым калыкым тӱткӧ лияш йодыт, автомобильым шогалтен кодымо годымат шкеланыман. Кӱшнӧ мунчалтыме йӱкым колмеке, чарнен, кӱшкӧ ончен шогыман огыл, вигак пырдыж деке пызнен, вуйым кид копа дене петырыман,- умылтарат ола администрацийыште. Наушник дене семым колышт коштшо- ваклан поснак шекланыман. Молан манаш гын, йоҥгышо семлан кӧра лум волымо йӱк да ен- влакын шижтарен кычкырымышт ок шокто. Тротуарым тасма дене авырен налме вер- влакымат эскерыман, тасма кӧргыш изишат пурыман огыл, -шижтарат калыкым.
