Марий йылмым тунемше- влакым «У ий куан» ушен
Эртыше кугарнян Шкетан лӱмеш калыкле марий драма театрыште марий йылмым тунемше йоча- влаклан «У ий куан» регион- влак кокласе кӱкшытан у ий пайрем лийын. Коронавирус пандемий марий у ий пайремым ямдылымашке шке тӧрлымашыжым пуртен. Мероприятий онлайн да офлайн йӧн денат лийын. Йӱштӧ Кугыза дене вашлиймашке район да олала гыч марий йылмым тунемше йоча- влак погыненыт. Театрын артистше- влак «Нӧнчык патыр» марий йомак почеш шындыме спектакльым ончыктеныт. Пайремын ик ужашыже семын «У ий чием», «Йӱштӧ кугызалан серыш», «У ий дене» открыткым, «У ий модышым» ыштыме дене конкурслаште сеҥыше- влакым саламлыме.
