МарКУ федерал инноваций площадке статусым налын
Марий Кугыжаныш Университет федерал инноваций площадке статусым налын. Вич ий жапыште университетыште дистанций гыч туныктымо, педагог- влакым кӱрылтде ямдылыме проект- влакым вияҥдаш тӱҥалыт. Вара тудым моло кундемысе тӧнеж- влакат кучылт кертыт. Российые туныктыш министерствыш йодмашым Российысе 160 вуз колтен. Нуным эксперт- влак ончен лектыныт. 127 сеҥыше радамыш педагог да инженер, медицина, туризм, сымыктыш да тӱвыра, цифровизаций дене кылдалтше проектым колтышо вуз- влак пуреныт. Конкурс комиссий МарГУ-н кок йодмашыжым сайлан шотлен. Иктыже- у цифран технологий дене сайын пайдаланыше педагог- влакым ямдылыме у модельым ыштымаш, весыже- дистанций формат дене туныктымо йӧн ден формым ямдылыме дене кылдалтын.
