Школ стадионым волгалтарыме

                     Йошкар-Оласе 16-шо номеран школын стадионыштыжо у, кызытсе жаплан келшыше тулым пуртымо. Тыге тунемше да верысе калыклан пычкемыш жапыштат спорт дене кылым кучаш йӧнан лийын. Школ директорын мутшо почеш, спорт площадкым волгалтарыме йодыш шукертсек шоген. Микрорайон чолган чоҥалтеш, школ йыр у пӧрт- влак нӧлталтыт. Тушто шуко икшыван ятыр еш ила. Кызыт школышто 657 йоча тунемеш. Тушечын 400 утлаже тӱҥалтыш школыш коштеш, урок- влак кокымшо сменыштат эртат. Кодшо ийын школлан оксам ойырымо. Тыге стадион йыр шым меҥгым шогалтыме да светодиодан лампе- влакым вреаҥдыме. Йоча- влак физкультурыш волгыдо стадионыш коштыт, мӧҥгышкат волгыдо корно дене каят.

Прошлые выпуски