МФЦ-н паша пайдалыкше дене Марий Эл Российысе лидер- влак коклаште улеш

МФЦ-н паша пайдалыкше дене Марий Эл Российысе лидер- влак коклаште улеш
                 МФЦ-н паша пайдалыкше дене Марий Эл Российысе лидер- влак коклаште улеш. Российын экономически вияҥмаш министерствыже тений кокымшо кварталыште кугыжаныш полышым пуымо качествым иктешлен. Марий Эл кокымшо кварталын лектышыже почеш рейтингше нӧлталалтше регион- влак радамыш пурен. Марий Элыште 16 шуко функциян рӱдер ден кажне муниципал образованийыште 72 ойыртемалтше подразделений пашам ыштат. Специалист- влак йодшо- влаклан 200 наре кугыжаныш да муниципал полышым пуат. Чыла офис пӧлем ден рӱдер- влакым ик корпоратив стиль дене сӧрастарыме. Шуко функциян рӱдер- влакын рейтингышт квартал еда уэмдалтеш «Мыйын документем- влак» офисын пашаже 23 тӱҥ критерий дене аклалтеш. Нунын коклаште кугыжаныш, муниципал полыш ден сервисын качествыже да калыкын пайдаланен кертмыже, клиентын йодмыжым шотыш налмаш, офис- влакым цифровизироватлымаш, кажне еҥын полышым налаш шкевуя йодмашым пуэн кертмыже да молат. Показательыш шумо дене кугыжаныш полыш рӱдер- влак баллым налыт. балл шот дене регион- влаклан МФЦ-н пайдалыкшын кӱкшӧ, кыдал да ӱлыш уровеньже палемдалтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски