«Курык марий саска- влак» бренд республике гыч эн ончыч «Вкусы России» конкурсыш ушнаш йодмашым пуэн
«Курык марий саска- влак» бренд республике гыч эн ончыч «Вкусы России» конкурсыш ушнаш йодмашым пуэн. Тиде регионысо бренд- влакын икымше калыкле конкурсышт. «Курык марий саска- влак» брендыш икмыняр тӱрлӧ саска пура: ковышта, кияр, кешыр, йошкарушмен да молат. Тиде бренд 2000-ше ий годсек вияҥеш. Районышто 11 ял озанлык предприятий, 150 утла кресаньык озанлык, 8 тӱжем утла посна озан озанлыкше, 8 ял озанлык потребитель кооператив- влак пашам ыштат. Нунын кокла гыч шукыжо пареҥге ден саскам ончен кушта. Кодшо ийын Курык марий районышто республикыште ыштыме деч 68 процент саскам, 32 процент пареҥгым ыштен налме. Тиде брендын конкурсыш ушнымыжо районышто ончен- куштымо саскам утларак ужалаш, эко туризмым вияҥдаш, республикысе брендым Россий мучко шараш йӧным ышта,- увертара ял озанлык министерстве.
