Козьмодемьянск олан историй ужашыжым тӱзландарыме лиеш

Козьмодемьянск олан историй ужашыжым тӱзландарыме лиеш. Лач тиде верыште республике да уло эл гыч турист- влак лияш йӧратат. Олмыктымо пашам «Козьмодемьянск- историйын, экологийын, йӱлан илыше тоштерже» проект кышкарыште шукталтеш. Козьмодемьянскысе тӱвыра да историй  тоштер- комплекс тӱзландарыме пашалан тендерым увертарен. Тиде пашалан 42 миллион наре теҥге оксам колташ палемдыме. Чыкма Федерал бюджет гыч оксам изи олалаште йӧнан илыме кумдыкым ышташ эн сай проектлан Российысе конкурсышто сеҥымыжлан кӧра налын. Тендерыш йодмашым 10-шо ноябрь марте пуаш лиеш, а 11-ше ноябрьыште сеҥышым увертарат. Тӱзатыме пашашке Советский урем деч Ленин урем марте йолын коштмо верым ыштымаш, Советский площадьым уэмдымаш- тушко брусчаткым шарымаш да сценым ыштымаш, ӱмылым ыштыше леведыш, шахмат ӱстел- влак да молат пурат. Проектыште тыгак кукшо фонтан, вӱд кушкылан пӱя, йӱран сад лийшаш улыт. А Стрелецкий часамла велым ончымо трибуным, икымше школ воктене спорт да модмо площадке- влакым, пайрем павильоным ышташ палемдыме. Тӱзландарыме пашам 21-ше ийын июльышто мучашлышаш улыт.

Прошлые выпуски