Элнам вуйлатыше- влакат республикысе калыкым кугу лӱмгече дене саламлат

Элнам вуйлатыше- влакат республикысе калыкым кугу лӱмгече дене саламлат. Республикым вуйлатыше Александр Евстифеев лӱмеш саламлымаш- влак пуренак шогат. Российын президентше Владимир Путин Марий Элыште илыше- влакын пашам йӧратымыштым палемден. Тидыже элнам вияҥдымашке надырым пыштыме нерген ойла. У сеҥымаш- влакым тыланен да кӱлешан, жапын йодмо задаче- влакым илышыш шыҥдарымаште тыршаш тӱҥалыт манын ӱшаным каласен. Россий Правительствым вуйлатыше Михаил Мишустин палемден: Марий мланде- акрет жапысе кундем, йӱлалан, тӱвыралан, ойыртемалтше памятник- влаклан поян, шке сылне да поян пӱртӱсшӧ дене чаплана. Федераций Советым вуйлатыше Валентина Матвиенко каласен: Марий Эл социал-экономик вияҥме тӱҥ показатель- влак дене сай лектышым ончыкта. Производство куатым модернизироватлаш, инновацийым шыҥдараш кугу тӱткыш ойыралтеш. Кугыжаныш кучем орган- влак калыкын илышыжым саемдаш шагал огыл тыршат. Ӱшанем, умбакыжат республике Россий Кугыжанышым вияҥдаш, тӱшка, калыкле задаче- влакым решатлаш тыршаш тӱҥалеш.

Прошлые выпуски