Кӧргӧ туризм верч тыршаш тӱналына, - каласен Юрий Зайцев
Кӧргӧ туризм верч тыршаш тӱналына, - каласен Юрий Зайцев. Тидын нерген Марий Элым вуйлатышын пашажым шуктышо республикын кугыжаныш калыкле политикыжын Концепцийжым шыҥдарыме шотышто Правительство комиссийын заседанийыштыже ойлен. Мемнан республикыште поро да унам вашлияш йӧратыше калык ила. Мемнан турист куатна кугу. Тиде- архитектура, пӱртӱс, тӱвыра. Но мондыман огыл: кызыт турист верч чыла гаяк регион кучедалеш, ме гына огыл. Эл кӧргысо туризм йодмаш дене пайдалана. Сандене мемнан деке толышт манын эшеат сай лектышым ончыктыман, - каласен тудо.
Кодшо ийын регионыш 480 тӱжем турист ден экскурсант толын каен. Марий Элыште 279 турист маршрут ден экскурсий программе уло. Тушкак 73 этнотурист маршрут пура. Республикыште брендан кок турист маршрут уло. Тиде- «Марий мландын ӧрыктарышыже» да «Яндар йӱкан кӱсле кундем». Нуно «Кугу Юл корно» регион- влак кокласе проектыш пурат. Июньышто Юл эҥер дене вӱд маршрут- влак почылтыныт. Кӧргӧ да ӧрдыж гыч толмо туризмым вияҥдаш республикым вуйлатышын грантше- влак пуалтыт. Тений тудын акше 900 тӱжем теҥгеш шуын. Грант полышлан кӧра кок миллионат 300 тӱжем теҥгеаш 17 проектым шыҥдарыме.
Правительстве комиссийын заседанийыштыже тыгак миграций йодышым ончымо. Миграций ковид деч ончычсо кӱшытыш шуын толеш. Республикыш йот элла гыч утларак уна толеш- тунемаш, пашам ышташ, канаш. Тиде Индий, Кыдал Азийысе эл- влак. А кызыт эше Украине, ДНР, ЛНР гыч толшо- влак ешаралтыт. МВД-н ончыктымыжо почеш миграций учётыш кодшо ийысе деч иктат пеле гана шукырак еҥым шогалтыме- вич тӱжемат 413 еҥым. Утларакше Индий, Узбекистан, Таджикистан да Украине гыч толыт. МВД закондымо миграций ваштарешат кучедалеш. Тений гына 18 еҥлан жаплан илаш документым пуаш тореш лийын, 8 документым кораҥден, 4 еҥым мӧҥгеш колташ пунчалын, 19 еҥым Россий кундем гыч поктен колташ решенийым лукмо.
Фото: Марий Элым вуйлатышын организаций да аналитик виктемже.
Кодшо ийын регионыш 480 тӱжем турист ден экскурсант толын каен. Марий Элыште 279 турист маршрут ден экскурсий программе уло. Тушкак 73 этнотурист маршрут пура. Республикыште брендан кок турист маршрут уло. Тиде- «Марий мландын ӧрыктарышыже» да «Яндар йӱкан кӱсле кундем». Нуно «Кугу Юл корно» регион- влак кокласе проектыш пурат. Июньышто Юл эҥер дене вӱд маршрут- влак почылтыныт. Кӧргӧ да ӧрдыж гыч толмо туризмым вияҥдаш республикым вуйлатышын грантше- влак пуалтыт. Тений тудын акше 900 тӱжем теҥгеш шуын. Грант полышлан кӧра кок миллионат 300 тӱжем теҥгеаш 17 проектым шыҥдарыме.
Правительстве комиссийын заседанийыштыже тыгак миграций йодышым ончымо. Миграций ковид деч ончычсо кӱшытыш шуын толеш. Республикыш йот элла гыч утларак уна толеш- тунемаш, пашам ышташ, канаш. Тиде Индий, Кыдал Азийысе эл- влак. А кызыт эше Украине, ДНР, ЛНР гыч толшо- влак ешаралтыт. МВД-н ончыктымыжо почеш миграций учётыш кодшо ийысе деч иктат пеле гана шукырак еҥым шогалтыме- вич тӱжемат 413 еҥым. Утларакше Индий, Узбекистан, Таджикистан да Украине гыч толыт. МВД закондымо миграций ваштарешат кучедалеш. Тений гына 18 еҥлан жаплан илаш документым пуаш тореш лийын, 8 документым кораҥден, 4 еҥым мӧҥгеш колташ пунчалын, 19 еҥым Россий кундем гыч поктен колташ решенийым лукмо.
Фото: Марий Элым вуйлатышын организаций да аналитик виктемже.
