Оҥай да пайдале «Ежедневникым» лукмо
Марий Элын 100 ияш лӱмгечыжлан Чавайн лӱмеш книгагудо оҥай пӧлекым ямдылен- историй шотан «Ежедневникым» луктын. Мо дене тудо ойыртемалтеш? Тудо возашлан гына огыл келыштаралтын, а поян увер материалым чумырен. Тушто шергакан сведенийым, историй событийым, оҥай факт- влакым ончыктымо. Тыге тудо республикым ойыртемалтшым ышта, моло кундем коклаште кӱлешан да шке веран улмыжым почын пуа. Кажне кечыже кок-кум событий дене палдара, оҥай фотосӱрет- влакым вераҥдыме, Йошкар-Ола, Волжск, Козьмодемьянск ола- влакын чыла экстренный службыштын телефоныштым ончыктымо, тӱвыра, спорт тоҥеж, парк да каныме вер- влакын адрес ден телефоныштым муаш лиеш, тылзе да кече- влакын лӱмыштым рушла да марла возымо.
