Ончычсо «Советский» унагудым тӧрлен, уэш кызытсе унагудым ыштат
Увертарыме ыле Йошкар-Оласе рӱдӧ площадьыште верланыше ончычсо «Советский» унагудым тӧрлен уэш кызытсе унагудым ыштат. Тушто могай отель- влак вераҥме нерген увер пале лийын. Ола администрацийын ончыктымыжо почеш тушто верысе отель сеть- влак верланат. Тиде: Никитин, «2020» да «Первый поезд». Нуно, очыни, кум але ныл шӱдыран лийыт. Ола мэрийын ик условийже тыгай лийын: зданийын фасадшым арален кодыман, зданий тӱвыра поянлык объектлан шотлалтеш, сандене аралыме обязательстве- влакым чыла шуктен шогыман. План почеш, фасадым, леведышым, перекрытийлам, негызым, коммуникаций ден кудывечым капитально олмыктышаш улыт. Отельын концепцийжым тичмаш ыштымеке, лӱмжым шонен муыт. Палемдена: таче кечылан Йошкар-Олаште 25 унагудо пашам ышта. Тушто турист- влалкан тӱрлӧ категориян 800 наре номер темлалтеш.
Фото: Йошкар-Ола мэрий.
Фото: Йошкар-Ола мэрий.
