Озаҥ олаште марий тӱвыра фестиваль эртен
Озаҥ олаште марий тӱвыра фестиваль эртен. Марий Эл Кугыжаныш Погыным вуйлатышын икымше алмаштышыже Лариса Яковлева Татар республикысе «Марий шонанпыл» йоча этнотӱвыра 4-ше фестивальын гала- концертыштыже лийын. Пошкудо кундемыште илыше марий- влакым ушышо мероприятий Озаҥ олаште Калык- влак келшымаш пӧртыштӧ эртен. Сценыште Татарстанысе чыла гаяк район гычат ойырен налме зональный йыжыҥлаште сеҥыше 230 ӱдыр-рвезе выступатленыт. Нуно марий муро ден куштымашыште , шочмо йылме дене почеламутым лудмаште, калык семӱзгар дене шоктымаште мастарлыкыштым ончыктеныт.
Лариса Яковлева шке куанжым шылтен огыл: мондаш лийдыме марий тывырдык, шке возымо почеламут, гармоньчо ден совла дене шоктышо, чылалан палыме калык сем- влак чоным ырыктышт. Татарстанысе марий- влакын калыкле –тӱвыра автономийышт да тудын вуйлатышыже Наталья Кукушкиналан фестивальым чаплын ямдылымылан тауштем. Верысе чыла калыкле-тӱвыра автономимй- влаклан калык тӱвырам арален кодымылан да вияҥден толмылан кугу тау,- каласен марий парламентын депутатше. Тудо посна таум Марий Эл гыч уна, сылне мурыжо почеш куштымашыш изижге-кугужге лукшо мурызо Йорга Качелан каласен.
«Марий шонанпыл» фестиваль нылымше гана эртен.
Фото: Марий Эл Кугыжаныш Погын.
Лариса Яковлева шке куанжым шылтен огыл: мондаш лийдыме марий тывырдык, шке возымо почеламут, гармоньчо ден совла дене шоктышо, чылалан палыме калык сем- влак чоным ырыктышт. Татарстанысе марий- влакын калыкле –тӱвыра автономийышт да тудын вуйлатышыже Наталья Кукушкиналан фестивальым чаплын ямдылымылан тауштем. Верысе чыла калыкле-тӱвыра автономимй- влаклан калык тӱвырам арален кодымылан да вияҥден толмылан кугу тау,- каласен марий парламентын депутатше. Тудо посна таум Марий Эл гыч уна, сылне мурыжо почеш куштымашыш изижге-кугужге лукшо мурызо Йорга Качелан каласен.
«Марий шонанпыл» фестиваль нылымше гана эртен.
Фото: Марий Эл Кугыжаныш Погын.
